Dark Light
අප Hiking හෝ Back-Country Camping සිදු කරන විට සිතියමේ දැක්වෙන උතුර වන ජාල උතුර සහ මාලිමාවේ දැක්වෙන චුම්භක උතුර අතර වෙනස නිරාකරණය කළ යුතුය.

Hiking සහ Backpacking පිලිබඳ සිතියම් ගැන කතා කරන්නට පෙර උතුර හඳුනා ගැනීම අතිශයින් වැදගත් කටයුත්තකි. උතුර හඳුනා ගැනීම පිලිබඳ මීට පෙර අප කතා කළා සේම සිතියම සමඟද මේ උතුර සොයා ගත යුතුයි.

මෙකී කාරණයේදී උතුරු 03ක් ගැන දල වශයෙන් ඔබ දැන ගත යුතුයි.

01. නියම උතුර (True North- TN)

ලෝක ගෝලයේ උතුරින්ම පිහිටි ස්ථානය ලෙස නියම උතුර හැඳින්විය හැක. මෙය වෙනස් නොවේ. ආක්ටික් සාගරයේ පිහිටා ඇති අතර බොහෝවිට අයිස් සහිත සාගර ප්‍රදේශයකි.

North Pole

මේ උතුර North Pole යනුවෙන්ද හැඳින්වේ.

02. ජාල උතුර (Grid North- GN)

අප ජීවත් වන ලෝක ගෝලය යනු ත්‍රිමාණ වස්තුවකි. පත්‍රිකාවකට ගත් සිතියමක් යනු ද්විමාන රූපයකි. අපට ගෝලයකින් පෙනෙන හැඩතලය පත්‍රිකාවේ පැහැදිලි නොවේ. එම නිසා මේ සිතියම් පත්‍රිකාවේ දැක්වෙන උතුරු ජාල උතුර ලෙස හඳුන්වනු ලැබේ.

03. චුම්භක උතුර (Magnetic North- MN) 

මාලිමාවේ විස්තර වන උතුර චුම්භක උතුර යනුවෙන් හැඳින්වේ. පෘතුවියේ ඇති චුම්භක බල ක්ෂේත්‍ර හේතුවෙන් සහ තවත් විවිධ හේතු මත මේ උතුර සෑම අවස්ථාවකම වෙනස් වේ. මෙකී වෙනස සිදුවන ස්ථිර සැකසුමක් නැත. මේ උතුරට ඔබේ මාලිමාවේ චුම්භක කටුව යොමුවේ. ඔබ ළඟ නිසි ලෙස ක්‍රියා කරන මාලිමාවක් තිබේ නම් මේ උතුර ඔබට සොයා ගත හැකිය.

අප Hiking හෝ Back-Country Camping සිදු කරන විට සිතියමේ දැක්වෙන උතුර වන ජාල උතුර සහ මාලිමාවේ දැක්වෙන චුම්භක උතුර අතර වෙනස නිරාකරණය කළ යුතුය. මෙය සිදු කළේ නැත්නම් අප ගමන් කරන්නේ චුම්භක උතුර(MN) වෙත මිස නියම උතුර(TN) වෙත නොවේ.

මෙකී වෙනස අදාළ වන අවස්ථාවන් ගැන බලමු.

මේ පින්තූරයේ පෙනෙන පරිදි ඔබ පාරේ සිට ගමනක් ආරම්භ කළා යැයි සිතන්න. ඔබ නැවත පැමිණිය යුතු කෝණය ඔබ දනියි. එහෙත් ඉහත කී වෙනස හේතුවෙන් අංශක එකක වෙනසක් වූයේ යැයි සිතන්න. සෑම කිලෝමීටරයකටම මීටර් 53ක වෙනසක් ඔබ යායුතු නිවැරදි දිශාවෙන් ඈතට යයි.

Declination

මේ වෙනස සිදුවූවද ඔබ යන දුර සහ පාර වැනි ඉලක්කයක් නිසා ඔබ අතරමන් වීමට ඇති හැකියාව අඩුය.

පහත පින්තූරය බලන්න. 

declination 2

ඔබේ ඉලක්කය කූඩාරම වැනි දෙයක් වූ විට මීටර් 53ක වෙනසක් ඔබව කූඩාරමෙන් ඉවතට ගෙන යාමට ඇති හැකියාව වැඩිය.

ඊළඟට

 Declination හෙවත් උතුරු අතර වෙනස

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *

Related Posts
Mirror Compass Malimawa

මාලිමාව

මාලිමාවට සරල හැඳින්වීමක් සමඟ ලංකාවේ අපිට මාලිමාවක් අවශ්‍යද, මාලිමාවේ ප්‍රධාන කොටස් සහ මාලිමාවක් මිලදී ගැනීමේදී වැදගත් වන කරුණු ගැන කතා කරමු.
හිම කුණාටුව

හිම කුණාටුවේ ගෙදර කඳවුර

නිවස වෙතට ගොස් එහි සිටි මිතුරන්ද සමඟ රාත්‍රී ආහාරය ගත් පසුව නිවස තුලට වී නිදා ගන්නා ලෙස ඔවුන් සිදු කළ ඉල්ලීම සුහදව පසෙකලා මාගේ නිදන පද්ධතියද රැගෙන කූඩාරම බලා නැවත ගමන ආරම්භ කළේ කුණාටුවේ උච්චම අවස්ථාවේදියි.
Total
0
Share