හඳෙන් පාර හොයා ගමු.

Hiking Navigation Skills (Sinhala)- Video 08

හඳ අපේ Hike එකේ දිශාව හොයා ගන්න?

හඳෙන් දිශාව සොයා ගැනීමට පෙර.

හදිසි අවස්ථාවකදී හැරෙන්නට රාත්‍රී කාලයේ Hike කිරීම සුදුසු නොවන අතර වෙනත් භාවිතා කළ හැකි නිසි උපකරණ නොමැති නම් සහ විකල්පයක් නොමැති නම් පමණක් හඳ අවසාන අවස්ථාව ලෙසට භාවිතා කර රාත්‍රී කාලයේ Hike කරන්න.

හඳේ ගමන

ඉරෙන් දිශාව සොයා ගන්නා තරම් පහසුවෙන් හඳෙන් දිශාව සොයා ගත නොහැකි අතර හඳ අපගේ පෘථිවිය වටේ ගමන් කරන බැවින් එකී ගමන් මාර්ගය සහ හඳ මතට හිරු එළිය වැටීම යන හේතු දෙකම පදනම් කර ගෙන එහි දර්ශනය වෙනස්වේ.

හිරු මෙන් හඳ ආලෝකය නිපදවීමක් සිදු නොකරයි. සම්පූර්ණ ගෝලයම අපට හොඳින් දිස්වනුයේ හඳේ හිරු එළිය වැටෙන පැත්ත පෘථිවිය දෙසට මුහුණලා සිටින විටය. මෙය අප හඳුන්වන්නේ පසළොස්වක යනුවෙන්ය.

හඳේ ගමන ආරම්භ වන්නේ අමාවක හෙවත් හඳේ ගෝලය මතට හිරු එළිය වැටෙන පැත්ත අපට නොපෙනෙන විටය. මෙකී අවස්ථාවේ හඳ පිහිටා ඇත්තේ පෘථිවිය සහ හිරු මැදය. මෙය අළුත් හඳ ලෙසට ගමු. 

අළුත් හඳේ පෘථිවිය වටා යන ගමන ආරම්භ කළ පසු ටිකෙන් ටික දකුණු පැත්තට වන්නට ආලෝකය වැඩි වෙයි. 

ගමනෙන් කාලයක් (1/4) දුර පැමිණි විට අඩ සඳක් දිස්වෙයි. භාගයක් දුර පැමිණි විට පහළොස්වක හෙවත් ඉහත කී සම්පූර්ණ හඳද, නැවත ගමනෙන් හතරෙන් තුනක් ගිය විට අඩ සඳද පෙනෙයි.

මේ අවස්ථාවේදී හඳේ වම් පැත්ත ආලෝකමත් වී තිබෙනු ඔබට පෙනෙනු ඇත.

නැවත ආරම්භක හඳ හෙවත් අමාවක දක්වා හඳේ අප හට දිස්වන ආලෝකය අඩු වනු ඇත.

මෙකී සම්පූර්ණ වෙනස් වීමට ආසන්න වශයෙන් දින 29ක් පමණ කාලයක් ගත වෙයි.

හඳෙන් දිශාව

හඳෙන් දිශාව සොයා ගන්නා පළවෙනි ක්‍රමය ලෙස හඳ උදාව සහ බැස යාම සැලකිය හැකිය. ඉර පරිදිම හඳ උදා වන්නේ නැගෙනහිර දිශාවෙන් වන අතර බැස යාම සිදු වන්නේ බස්නාහිර දිශාවෙන් වේ. 

පසුගිය මාතෘකාවෙන් අප කතා කළ ඉර එළියෙන් සෙවනැල්ල උපයෝගී කරගනිමින් දිශා හතර සොයා ගත් ආකාරයටම සෙවනැලි ක්‍රමයෙන් දිශාව සොයා ගත හැකිය.* මෙය ඉර තරම් පහසුවෙන් යොදාගත නොහැක්කේ ආලෝකය එතරම් ප්‍රබල නොවන බැවිනි. එලෙසම අමාවක දිනකදී  හෝ ආලෝක දූෂණය වැඩි නම් මෙකී ක්‍රමය භාවිතා කළ නොහැකිය. 

*මේ ගැන වැඩි දුර විස්තර ඉරෙන් පාර හොයා ගමු ලිපිය සමඟ බලන්න.

ඉරෙන් පාර සොයා ගන්න ආකාරයට අමතරව තවත් එක ක්‍රමයක් හඳෙන් පාර සොයා ගැනීමට ඇත. මෙය යොදා ගනිමින් දිශාව සොයන්නේ නම් විශේෂයෙන් සැලකිය යුතු කාරණයක් නම් මෙහි නිරවද්‍යතාවය අනෙකුත් ක්‍රම තරම්ම ඉහල නොමැති බවත් වෙනත් විකල්පයක් නොමැති නම් පමණක් මෙකී ක්‍රමවේදය අවසාන සරණ වශයෙන් උපයෝගී කරගැනීම සුදුසු බවත්ය.

අඩ සඳක් ඇති මොහොතක මේ රූපයේ දැක්වෙන ආකාරයට උඩ සහ යට යා කරමින් සිතෙන් ඉරක් සාදා ගන්න.

එකී ඉර නැත්නම් ඊතලය පොළව දක්වා ගෙන එන්න. ඔබ දකුණු අර්ධ ගෝලයේ සිටින්නේ නම් එකී පොළවේ ඊතලයෙන් දැක්වෙන ස්ථානයෙන් දකුණු දිශාව පෙන්වයි.

ඔබ දකුණු අර්ධ ගෝලයේ සිටින්නේ නම් උතුරු දිශාව පෙන්වයි.

මේ ක්‍රමය පුර පසළොස්වක දිනයකදී හෝ අමාවක දිනයකදී යොදා ගත නොහැකිය.